Khuddaariyo.n ke Khuun ko arzaa.N na kar sake ,
ham apane jauharo.n ko numaayaa.N na kar sake,
hokar Kharaab-e-may tere Gham to bhulaa diye ,
lekin Gham-e-hayaat kaa daramaa.N na kar sake
TuuTaa talism-e-ahad-e-mohabbat kuchh is tarah ,
phir aarazuu kii shamaa furezaa.N na kar sake,
har shay qariib aake kashish apanii kho ga_ii ,
vo bhii ilaaj-e-shauq-e-gurezaa.N na kar sake,
kis darjaa dil-shikan the mohabbat ke haadase ,
ham zindagii me.n phir ko_ii aramaa.N na kar sake,
maayuusiiyo.n ne chhiin liye dil ke val-vale ,
vo bhii nishaat-e-ruuh kaa saamaa.N na kar sake.