Jan-e-Mann, Jan-e-Wafa tu. 
Jan-e-Jaan, Jan-e-Haya tu. 
Meri subh ka ujala tu. 
Meri Shaam ka sitara tu. 
Meri Aan Baan Shaan tu. 
Meray Piyar ki pehchan tu. 
Mera naghma-e-sooz-o-saaz tu. 
Meray jism-o-jaan ki awaz tu. 
Mera chain, rahat, sakoon tu. 
Meri deewangi-o-junoon tu. 
Mera ishq, chahat, Piyar tu. 
Meri rooh ka qaraar tu. 
Mera subh-o-shaam tarana tu. 
Meri saans ka aana jaana tu. 
Meray sab adab adaab tu. 
Mera ham tu jinaab tu. 
Meri bekhudi-o-guroor tu. 
Meri zindagi ka saroor tu. 
Mera muqaddar, taqdeer naseeb tu. 
Mera doost, yaar, habeeb tu. 
Meri ajab dastaan ki kitaab tu. 
Meray ishq ka sab nisaab tu. 
Jahan jo mehka'ye wo gulaab tu. 
Dhondoon ta'beer jis ki wo khawab tu. 
Meri Taan, sitaar, rubaab tu 
Mera tosha-e-roz-e-hisaab tu.