Khuda ke waste ab berukhi se kam na le 
tarap ke phir koi daman ko tere tham na le

Bas ek sajda e shukrana pa e nazuk par 
ye maikada hai yahan par khuda ka nam na le

Zamane bhar may hain charche meri tabahi ke 
main dar raha hun kahin koi tera nam na le

Mita do shauq se mujhako magar kahin tumase 
zamana meri tabahi ka intaqam na le

Jise tu dekh le ik bar mast nazaron se 
wo umr bhar kabhi hathon may apane jam na le

Rakhun ummid e karam usase ab main kya "sahir" 
ki jab nazar se bhi zalim mera salam na le