Subah-dam yuu.N hii fasurdaa ho gayaa, 
ai dil-e-naazuk tujhe kyaa ho gayaa,
[fasurdaa=sad]
siinaa-e-baranat se sholaa saa uThaa, 
Gham-zado.n ke dil kaa naGhmaa ho gayaa,
[baranat=a musical instrument]
shukriyaa ai gardish-e-jaam-e-sharaab, 
mai.n bharii mahafil me.n tanhaa ho gayaa,
[gardish-e-jaam-e-sharaab=round of drinks]
raat dil ko thaa sahar kaa i.ntazaar, 
ab ye Gham hai kyo.n saveraa ho gayaa,
[sahar=dawn]
bujh ga_ii kuchh is tarah shama-e-"Salaam" ,
jaise ik biimaar achchhaa ho gayaa.