* Nihatte rah ke sardari nahi'n ki *
Nihatte rah ke sardari nahi'n ki
Mojahid thhe adaakaari nahi'n ki
Wafadaari mei'n ham thhe harfe aakihr
Kisi se ham ne ghaddari nahi'n ki
Hamesh sach rahaa meri zabaa'n par
Tumhari tarah ayyari nahi'n ki
Yahi sach hai adab ke mujrimo'n ki
Kabhi ham ne tarafdaari nahi'n ki
Meri palko'n se kuchh aa'nsoo to girte
Kisi ne aisi gham khawari nahie'n ki
Lahoo ka rang lafzo'n ko diyaa hai
Yu'nhi "Nayyar" ne fankari nahi'n ki
Editor "Khushboo ka Safar" Monthly
H.No. 11-3-824/7, New Mallepaly,
Hyderabad-500001 (A.P)
|