Parishan hoke an dekhi mosafat orh lete hai'n
Parinde ajnabi mausam me'n hijrat orh lete hai'n

Hesar-e- tajurba se ham nikalne hi nahi'n paate
Har ik lamha koii taza zaroorat orh lete hai'n

Dhanak ehsas ki lafzo'n me'n apna rang bharti hai
Takhaiyul ke  naye paikar alamat orh lete hai'n

Ham apni aag me'n jal bujh ke jaane kimiya kab ho'n
Chalo kuchh din keraye ki tamazat orh lete hai'n

Na jane kiyo'n hamare maskh chehre dekh kar "Qaiser"
Nazar ke aaine rang-e-heqarat orh lete hai'n

688,Rasoolpura,
Malegao'n-423203 (M.S)