* Jaga tamam raat gunahgaar ki tarah *
Jaga tamam raat gunahgaar ki tarah
aankhoN meN khwab chubhta raha khaar ki tarah
shab hay zindgi meN aNdheroN ke bawajood
roshan he teri yaad madadgaar ki tarah
muddat se ris raha he gham e zindgi ke sath
ik zakhm dil ka deeda e khooNbaar ki tarah
ruswaiyoN ke khauf se zinda haqeeqateN
seene meN dafn ho gaieN izhaar ki tarah
badhta hi jaa raha he mira mujh se fasila
pesh aa raha hooN khud se bhi aghyaar ki tarah
mehdood reh na payeN mire dil ki wusateN
dil he makan e be dar o deewaar ki tarah
kaaNdhey jhuke hue heN zaroorat ke bojh se
har ik nafas he dil pe giraaNbaar ki tarah
"saalim" jakar liya mire halaat ne mujhe
lipte hua he gham tira zunnaar ki tarah
....................saalim shuja ansari |