حمد

زباں تری ہے قلم اور شعور ہے تیرا
چراغِ فکر و نظر میں بھی نور ہے تیرا

چمن میں ذکر تیرا ہے گلوں میں بات تری
خرامِ بادِ صبا میں سرور ہے تیرا

یہ کائنات تری جلوہ گاہِ قدرت ہے
تجلیوں کی گواہی میں طور ہے تیرا

قبائے شمس و قمر میں ہے تیری تابانی
ردائے تیرہ شبی میں ظہور ہے تیرا

قدم قدم پہ تری رحمتوں کے سائے ہیں
ہر ایک زرّے کی ہستی میں نور ہے تیرا

ثواب تجھ کو سمیع و علیم کہتے ہیں
عذاب کہتے ہیں مالک غفور ہے تیرا

صدائے حرف طلب تجھ پہ ناز کرتی ہے
ہمیں یقیں ہے حجاب غیور ہے تیرا

سلمیٰ حجاب

3/32, Vipul Khand
Gomti Nagar, Lucknow (U.P)
Mob: 9453077420
بشکریہ ’’غزالانِ حرم‘‘ مرتب: مشتاق دربھنگوی
……………………………………