* Apnay baray mein kuch suna hoga *
GHAZAL
Apnay baray mein kuch suna hoga
Meri ghazalon ko padh raha hoga
Aaj wo bhi udaas baitha hai
Aik tara kahin gira hoga
Dil mein hardam yahi khayal aaya
Mujhse milnay ko chal pada hoga
Uski angdaiyon ka matlab hai
Aaj koi yahan fana hoga
Dekh naseh samajh le tu isko
In khudaon ka bhi khuda hoga
Aisi jannat ke khwab kyon dekhein
Jiska marnay pe faisla hoga
Hamnay socha nahi tha ye sarwar
Koi manzil na rasta hoga
Sarwar Lakhnavi
|