غزل

اُس کی آنکھوں کے سائبان میں ہوں
کتنی محفوظ اِس مکان میں ہوں

جس کو دیکھا کبھی نہیں میں نے
مدتوں سے اُسی کے دھیان میں ہوں

میں محبت ہوں اہلِ دل کے لئے
اور دنیا کی ہر زبان میں ہوں

جیت سکتا نہیں کوئی مجھ کو
میں ابھی تک اِسی گمان میں ہوں

اپنی پہچان کھوکے بیٹھی ہوں
اِن دنوں میں کسی اڑان میں ہوں

کچھ نتیجہ ابھی نہیں نکلا
کس طرح کے میں امتحان میں ہوں

کس نشانے پہ جا لگوں میں اسیم
تیر بن کر کسی کمان میں ہوں

سویتا اسیم

25E, Top Floor
Pocket-B, Sidhart Ext.
New Delhi-110014
Mob: 9899580417
9810685549
sahityaaajkal@gmail.com
بہ شکریہ جانِ غزل مرتب مشتاق دربھنگوی
+++