NAZM


"Hatheli pe utara humne"
______________________
Raat bhar chaand ko chupke se
Hatheli pe utara humne, 
kabhi mathe pe tikaya, 
kabhi kangan pe sajaya
AaNchal meiN taaNk ke mausam ki tarah, 
apne aks ko saNwara humne

Raat bhar chaand ko chupke se
Hatheli pe utara humne
suna uski tanhayi ka sabab, 
kahi apni daastaan bhi, 
tere honthoN ki jumbish ki tarah, 
pehroN diya sahara humne

Raat bhar chaand ko chupke se
Hatheli pe utara humne
apne ashkoN se banake , 
Mohabbat ka haNsi Tajmahal
teri yaadoN ki karwatoN ki tarah
YuNhi ek tak nihara humne
Raat bhar chaand ko chupke se
Hatheli pe utara humne
******