* tere wadey pe kab guzaari hai *
tere wadey pe kab guzaari hai
zindagi apni khud sanwari hai
zikar kisne kiya khamoshi se
yaad ki eik ajab khumaari hai
aaj barsoN puraani yaad aayi
aaj ki raat mujh pe bhaari hai
kis ko chahat ki aarzu hai yahaN
kis ko chahat ki paasdaari hai
shokh lamhon ki shaam aayi hai
dil ki dharkan pe nashha tari hai
is tarah bhi usey nibaha hai
baazi jeeti hui bhi haari hai
unko chaha hai is tarah seema
un se kab koi raazdaari hai
*************** |