roshni se bhala jugnu ye nikalta kiyoN hai
aks iska meri aankhon meiN bikharta kiyoN hai

guftugu mein jo tera zikr kabhi aa jaaye
dard toofaaN ki tarah dil meiN machalta kiyoN hai

raat bhar chand ne choomi hai teri peshaani
usko afsos hai sooraj ye nikalta kiyoN hai

kis liye phaila hai hasrat ka dhwaaN charoN taraf
Dil se ek aah ka shola ye nikalta kiyoN hai

sochti rehti hooN daftar mei yehi maiN"Seema"
kaam jo hona aakhir wohi tal-taa kiyoN hai
*****************