غزل 

بجز شکایتِ ہستی غمِ جہاں کے بغیر
سخن میں سوز کہاں گریہ و فغاں کے  بغیر

مزاج بدلا ہے اس طرح کچھ زمانے کا
کہ زندگی ہے پریشان پاسباں کے بغیر

نہ پھول ہیں نہ شگوفے نہ موجِ بادِ صبا
لٹا لٹا سا گلستاں ہے باغباں کے بغیر

چلی وہ آندھیاں گلزار ہوگئے ویراں
پرندے پھرتے ہیں آوارہ آشیاں کے بغیر

سکون ملتا ہے ہر شے کو اپنے محور پر
بہار پھرتی ہے آوارہ گلستاں کے بغیر

اسے بچائے خدا پیچ و خم سے راہوں کے
یہ قافلہ جو چلا میرِ کارواں کے بغیر

شبانہ ہم نے یہ مانا خیال ہے بنیاد
عبث ہے شعر مگر شوخیٔ بیاں کے بغیر 

 ڈاکٹر) شبانہ نذیر )

251, Delhi Apts.
Plot 15-C, Sector-22 Dwarka
New Delhi-110077
Mob: 9650330332
Ph: 011-28050546
بہ شکریہ جانِ غزل مرتب مشتاق دربھنگوی
+++