غزل

مرے خوابوں میں گرچہ کہکشاں ہے
مگر تقدیر کا تارا کہاں ہے
لبوں پر ہیں خوشی کے گیت میرے
ہجومِ غم مگر دل میں نہاں ہے
کہاں جائیں کسے دکھڑا سنائیں
جہاں میں کون اپنا رازداں ہے
قدم رکھئے ہماری انجمن میں
چراغِ عشق دل میں ضوفشاں ہے
مرے قدموں کے نیچے یہ زمیں ہے
مگر سر پر تو میرے آسماں ہے
نہیں ہے غم مجھے اے وصف کوئی
مرے گھر میں سلامت میری ماں ہے

شبیر وصف

C/O. Abrahim Tailors
6/1/B, Dehi Sirampur Road, Kolkata-700014
Mob: 9883526521
بشکریہ ’’میر بھی ہم بھی‘‘	مرتب: مشتاق دربھنگوی
………………………