Phir se dil-o-dimagh se risne laga hai khoo'n
Ji chahta hai aaj phir taza ghazal kahoo'n

Yeh kaun uth gaya hai jaha'n ki basat se
Sab log hai'n udaas, alam saare sar nagoo'n

Bedard log bhi karei'n jazbo'n ka ehtaram
Lafzo'n ke haath mei'n agar yaado'n ko so'np doo'n

Nafrat se dekhte hai'n jo har cheez ko mudaam
Un dosto'n ke peyaar ka zaamin na ban sakoo'n

"Shabnam" tere wojood ko tashbih kis se doo'n
Suraj ki kis kiran se teri dastaa'n sunoo'n

			P.O. Box No. 317, Riyadh-11352 (K.S.A)