Puranay Khwaab Ka Taawaan

mere charon taraf kitna 
haseen khwaabon sa manzar hai
magar ye khushnuma mazar
meri aankon ko ranayi nahin 
takleef deta hai
koi khushboo bhara jhonka 
mujhay choona agar chahay
meray zindan ki nadeedah deewarain 
rok deti hain 
hamari rooh kay jaltay hue sehra pe 
koi meharbaan baadal 
agar bhoolay se aa jaye
main aankhain meech leti hon 
na janay kab talak mujh ko
puranay khwaab ka taawaan bharna hai
******