woh dekho
Door tak phaili hui choto bari qabrain
Ke jin mein dafn hain woh saari baatain
Jo mere dl ki zindaan se kabhi bahar nahin aayin
Woh saaray lafz
Jo tum tak pahunch paanay ki hasrat mein 
Kahin rastay mein hi dam tor baithay hain
Yahin pe dafn hain alfaaz ke woh qafilay saaray
Meri majbooriyan qatil 
Teri binaiyan ghafil
Is dasht e narasayi mein kahin shayad
Khabar tum ko kabhi bhi ho na payegi
Ke bebas khamoshi meri 
Mere ankahay lafzon ka madfan hai
******