* Basti basti parbat parbat saanjh jab gahra jaaye hai *
Basti basti parbat parbat saanjh jab gahra jaaye hai
Nain jharokay dheeray dheeray deep koi jal jaye hai
Mere ghar ke aangan phir phool khilay honge shayad
Ghar se door bideson mein bhi khushboo mujh ko aaye hai
Shaam hui aur saaray punchi ghar ko apnay laut gaye
Dekho man ka paagal punchi laut ke ghar kab aaye hai
Jis mausam mein daali daali phool khilay armano ke
Jaanay ab woh mausam phir se aaye ya na aaye hai
Bholi bisri yaadain aanso tukray tootay sapno ke
Shaam dhalay kyun raat ki dulhan aanchal mein bhar laaye hai
|