Dard Ka Aatishfishan


achanak dard ka aatishfishan
phir phat para hai
har taraf ab dil k zindan mein 
barasti aag hai 
aur zabt ka aahan pighalta hai
woh saari khwaahishain main ne jinhain 
mushkil se zanjeeron mein jakra tha 
huin aazad tou
har simt ik mahshar bapa hai
bilakhti cheekhti aur bain karti khwaahishain 
jitna bhi chahin shor kar len 
in deewaron mein 
koi dar koi rozan nahin hai
******