غزل

زہے شرف ترے در پر بسر زمانہ ہوا
خوشا نصیب کہ میں خاکِ آستانہ ہوا
غذائے روح ترا حسن جادو ا نہ ہوا
ہمیں تو ناز ہے اس پر کہ تویگا نہ ہوا
سیاہ بختوں کا آغاز جب فسانہ ہوا
خموش اول شب سے چراغ خانہ ہوا
غضب کیا ترے جانے بزم میں ساقی
بلند چار طرف شور عامیانہ ہوا
چلے کراہ رہِ مستقیم چھوڑ کے ہم
تری طلب میں عجب کار بیخود انہ ہوا
کروں گا شکر کے سجدے ادا کئی دم صبح
اگر نصیب مجھے بادۂ شبانہ ہوا
خدا بُرا کرے اس نیند کا یہ کیسی نیند
کھلی کب آنکھ کہ جب کارواں روانہ
تعلقات نے پائوں میں بیڑیاں ڈالیں
گھر اپنا آپ مرے حق میں قید خانہ ہوا
چھپی نہیں ہے کوئی شئے نگاہ والوں سے
وہ بے بصر ہے جسے عشق غائبانہ ہوا
تمام رات کٹی تھی جو مے پرستی میں
خلوصِ دل سے اداصبح کا دوگانہ ہوا
میں تنگ ہوں دلِ نا مطمئن ہاتھوں سے
یہی تو رخنہ زنِ عمر جاودانہ ہوا
ہوا خلا ف ہے موجیں بلا کی اُٹھتی ہیں
بس اے حباب تراختم اب زمانہ ہوا
زبان کھلے گی نہ بے اذن مرنے والوں کی
لگا کے قفل رواں کہ خدائے خانہ ہوا
طلب سے تونے ہمیشہ کہیں سوا بخشا
کریم بند نہ تیرا کبھی خزانہ ہوا
بہت ضعیف ہوا شاد رہ نہ جائو کہیں
بڑھائو تم بھی قدم کارواں روانہ ہوا!
٭٭٭