* Khaso khaashaak badan shame qaza se raushan *
Khaso khaashaak badan shame qaza se raushan
Shame anfaas ho kyo'n mauje hawa se raushan
Dasht me,n door kahi'n door siyah tilo'n par
Hai'n mere khab kisi ke kafe paa se raushan
Warna kis tarah mere raakh monuwwar hoti
Koee chingari to hai us me'n hawa se raushan
Kis tarah khud se jal utthe hain ye lafzo'n ke cheraagh
Safhae nutq huaa kis ke nawa se raushan
Shafaq Sopuri
Sr.Lecturer, Deptt.of urdu
Amar Singh College ,
Sirinagar -190001(Kashmir)
Jaan usko bhi ghanimat ke buzrugo'n ke tufail
Raaste shahar ke hai'n ab bhi zara se raushan
Meri raato'n me'n jala shamma manajato'n ki
Meri subho'n ko bana harfe duaa se raushan
|