نعت پاک

علم روشن ہو رہے ہیں آپؐ کی آمد کے بعد
بند کتنے در کھلے ہیں آپؐ کی آمد کے بعد

ظالموں کا ظلم ٹوٹا جہل کا سر خم ہوا
جابروں کے سر جھکے ہیں آپؐ کی آمد کے بعد

بدلا موسم ، پگھلے پتھر ، رنگ نکھرا دہر کا
جگمگاتے راستے ہیں آپؐ کی آمد کے بعد

پَر لگے اُمید کو ، پرواز جذبوں کو ملی
جگمگاتے حوصلے ہیں آپؐ کی آمد کے بعد

خانقاہوں سے دلوں کے آگہی کا چاند اُگا
معرفت کے در کھلے ہیں آپؐ کی آمد کے بعد

احد کے گیسو کھلے احمدؐ کی خوشبو پھیل اُٹھی
بُت انا کے گر گئے ہیں آپؐ کی آمد کے بعد

عظمتِ انساں بڑھی انسانیت پھیلی شفق
پھول وحدت کے کھِلے ہیں آپؐ کی آمد کے بعد

شفیق پروین

9, Jakkur Plantation, NH-7,
Yelahanka, Banglore-560064
Mob: 9448542423 / 9980449725
Email: shafiq_parveen@yahoo.com
بشکریہ ’’عندلیبانِ طیبہ‘‘ مرتب: مشتاق دربھنگوی
……………………………………