GHAZAL
BAATO'N ME'N LAFZ LAFZ KI SACHCHAAYI LE KE AA
DIL JIS ME'N DOOB JAAYE'N WO GAHRAAYI LE KE AA
IS KE BAGHAIR ILM-O-HUNAR SAB FUZOOL HAI'N
PAHCHAAN APNI HAQUE KI SHANASAAYI LE KE AA
AI MAUSAME BAHAAR TERA SHUKRIYA MAGAR
KUCHH DIL KE BAAGH KE LIYA RAANAAYI LE KE AA
KHUD KAAMIYO'N KI BHEED ME'N GUM HO GAYA HAI JO
WO PYAAR WO KHULOOS MERE BHAAI LE KE AA
KHUD MATLABI KA RAAG TO BHATA NAHI'N MUJHE
AANA HAI TO KHULOOS KI SHAHNAAYI LE KE AA
JAA MAANTA NAHI'N TO DAR-E-HUS SE ''SHAFIQUE''
PHIR EK BAAR ZILLAT-O-RUSWAAYI LE KE AA
''SHAFIQUE RAIPURI''