Aik larki uljhi suljhi sii 
Jo khud main gum sum rahti thi 
Yoon hi bethey bethey hans deti 
Kabhi hanstey hanstey ro deti 
Na jane us ko ghum tha kiya 
Jo aksar chup chup rehti thi 
Wo sard aamavas ki raatoo.n main 
Chand ko dhondha karti thi 
Kabhi garm dopehroo.n ko chatt per 
Soraj sey baatai.n karti thi 
Aik larki uljhi suljhi sii 
Jo khud main gum sum rehti thi 

Wo aksar sahil per ja kar 
Moujoo.n sey khaila karti thi 
Barsat main apney tan mun ko 
Ashkoo.n sey bhigoya karti thi 
Wo kanch sey nazuk khwaboo.n ko 
Palkoo.n main piroya karti thi 
Aik larki uljhi suljhi sii 
Jo khud main gum sum rehti thi 

Najane uska naam tha kiya 
Per mujh ko aachi lagti thi 
Jhoot bhari is duniya main 
Wo wahid sachi lagti thi 
Kal raat mujhe ik khabar mili 
Wo aag main jal bethi 
Wo apni kum sin nadaani main 
Moti sey ganwa kutch pal bethi 
Aik larki uljhi suljhi sii 
Jo khud main gum sum rahti thi 
Na jane us ko ghum tha kiya 
Jo aksar chup chup rehti thi 


Aik larki uljhi suljhi sii 
******