Terey lehjey ka resham 
meri sochoo.n sey ulajhta tha
ajab sheeree.n sa lehja tha
k jaise chaar so merey
koi shehnaai bajti ho
ajab be-khud sa lehja tha
k jis ki le pe hi aksar
mera dill raqs karta tha
terey lehjey ka resham
meri sochoo.n sey ulajhta tha
magar ab kiya howa tujh ko
terey maathey ki shiknain tu kuja
lehjey ki shiknain
merey dill main chaid karti hain
terey lehjey ki shiknoo.n sey dara
ye dill mera
khush fehmiyoo.n ka jo hay pinnjrah
tor bethey ga
merey mun main jo mourat hay teri
us sangi mourat sey
sar apna phoor bethey ga
ye jeeney ki umang jo thi
usey bhi chor bethey ga
terey mujh sey khafa hone sey
ye saari hi duniya sey
munh apna mor bethey ga
dharkanoo.n sey apna naata
tor bethey ga

terey lehjey ka resham 
meri sochoo.n sey ulajhta tha!
*******