|
* Piyaar main us ko paa leney ki koshish tum bekaar na karna *
Piyaar main us ko paa leney ki koshish tum bekaar na karna
Piyaar tu hay aafaki jazba, piyaar ko tum beopaar na karna
Meri ankhoo.n key darya key pechey gehra ik sehra hay
Gar tum chaho dill sey bhi tu, bhool k is ko paar na karna
Uss ki ankhoon main sho'ley hain, tum ko maar jalain gay
Gar chahtey ho zinda rehna uss sey ankhain chaar na karna
Umer ki shaam k dhalne ko hay, dill bhi gehri neend hay soya
Apney jazboo.n ki garmi sey iss ko tum baidaar na karna
Merey nain dareechoo.n sey gar jhaank sako tu jhaank lo under
Mun bagiya ki sair karaoo.n, mujh sey ye israar na karna
Meri Aas pe oss pari hay, dill pe gehri barf jami hay
Meri roh mehkaney ki koshish tum sarkaar na karna
Ik mud'dat sey jo tha mera, ik pal main bas uska howa
Dill bhi goya mard ki surat, iska phir aitabaar na karna
Uss ki aadat hi hay Shagufta, sab pe huq jatlaney ki
Uss ki chahat tu hay dhoka, uss sey qoul-o karar na karna
******* |
|