Ab tum ko bataoo.n kya merey liye tum kya ho 
Ankhoo.n ki zaya tum ho, Aanchal ki haya tum ho 

Ankhoo.n key jharokoo.n sey aa jaoo kabhi dill main 
Sapnoo.n ki sada tum ho, jeney ki ada tum ho 

Jewan key bayabaa.n main aa kar kabhi barso tu 
Tapti hoi mitti hoon, ghanghor ghata tum ho 

Sajda tumhain karne ko tarapti hay jabee.n meri 
Main banda-e aajiz hoon, mohabbat k Khuda tum ho 

Jo hay tum sey mujhe nisbat wo kaise bayaa.n kar doon 
Haan meri nawa tum ho, haan meri wafa tum ho 

Ik shaam Shagufta sey bola tha kabhi tum nay 
Haa.n barg-e khizaa.n hoo.n main, haan baad-e saba tum ho
&&&&&&&&