|
* Waqt ki abb takhsees kahan hay, din ujla ya kaali raat *
Waqt ki abb takhsees kahan hay, din ujla ya kaali raat
tanhaai ka alam hay aur aankh sey barse hay barsaat
tum ko apna dost kahian ya dushman janain tum hi kaho
jab dekha mushkil main hum ko, chor diya yoon jhat sey haath
us chaand ko paane ki khwahish is dill main hi dam tor gai
us chand ko pana kab tha bas main, itni kahan apni oqaat
jeet ki sar-shaari ka alam tum sey kahian tu kaise kahain
apni qismat main likhi hay Rub nay shayad maaat hi maat
main hi khabti, main hi khud-sar, main hi tu dewaani hon
jo bhi kaha hay sach hi kaha hay, aap nay hazrat taslimaat
beech bhanwar main hum ko dobo k khud sahil pe sote hain
aap ki ulfat k kya kahne, aap ki tu hay kya hi baat
apni khud-ilmi ka Shagufta aik ajab hi alam hay
meri nazroo.n main khathki hay aksar khud apni hi zaat
******* |
|