dekh tu be-rahm ashiq nii.n tujhe chhoda nahi.n
kis qadar be-ruiya.n dekhi.n pa muu.nh morha nahi.n
ek chaspa.n hai tujhi par khush-numa.ii ki qaba
duusra kui jama-zebo.n me.n tira jorha nahi.n
laT-paTe saj nii. tire dil kuu.n kiya hai loT-poT
varna aalam biich Tuk bando.n ka kuchh torha nahi.n
dekhna shiri.n ka us kuu.n sakht laaga sang me.n
be-sabab farhaad nii.n patthar sii.n sar phorha nahi.n
girya-e-zaar-zaar karne kuu.n
chashm nii.n anjhuva.n kī basti ki
zulm tera shumar karne kuu.n
rashk sii.n jab koi chhue vo zulf
dil uThe maar maar karne kuu.n
is ada suu.n laTak laTak mat aa
dil mira be-qarar karne kuu.n
naa.nv kuu.n garche tu mamula hai
baaz hai dil shikar karne kuu.n
kya karu.n kis se ja lagau.n ghaat
'abroo' us ke yaar karne kuu.n
۸۸۸۸۸۸۸۸۸