hamāre sāñvle kuuñ dekh kar jī meñ jalī jāmun
lagā phīkā savād us kā nahīñ lagtī bhalī jāmun
sarāpā aaj namkīnī o narmī o gudāzī suuñ
huā ye sāñvlā goyā namak meñ kī galī jāmun
lage hai tursh zāhir meñ pe hai ye sāñvlā mīThā
māze-dārī meñ hai goyā ye misrī kī Dalī jāmun
tumhāre rañg kī tamsīl us kuuñ duuñ to khul jaave
ḳhushī siiñ sāñvarī ho kar ke koyal kī kalī jāmun
kyā ram sāñvare neñ 'ābrū' kuuñ dekh kar paanī
lagā barsāt kā mausam dekho yaaro chalī jāmun
huā huuñ dil setī bandā piyā kī mehrbānī kā
fidā kartā huuñ har dam jī kuuñ apne yār-e-jānī kā
diye meñ juuñ batī ho yuuñ dahaktī hai zabāñ mukh meñ
karūñ jis raat ke andar bayāñ soz-e-nihānī kā
uñjho añkhiyāñ ke roġhan haiñ hamāre shola-e-dil kuuñ
bujhānā ishq kī ātish nahīñ hai kaam paanī kā
asar kartā hai naala 'ābrū' kā sañg ke dil meñ
hunar sīkhā hai shāyad kohkan suuñ tesha-rānī kā
888888888888888