nipaT ye mājrā yaaro kaḌā hai 
musāfir dushmanoñ meñ aa paḌā hai 
raqīb apne upar hote haiñ maġhrūr 
ġhalat jānāñ hai haq sab siiñ baḌā hai 
jo vo bole soi vo boltā hai 
raqīb ab bhuut ho kar sar chaḌhā hai 
ḳhudā hāfiz hai mere dil kā yaaro 
pathar siiñ jā ke ye shīsha laḌā hai 
ba-rañg-e-māhi-e-be-āb nas din 
sajan niiñ dil hamārā taḌphaḌā hai 
raqībāñ kī nahīñ faujāñ kā visvās 
udhar siiñ āshiqāñ kā bhī dhaḌā hai 
kare kyā 'ābrū' kyūñkar milan ho 
raqībāñ ke sanam bas meñ paḌā hai 

8888888888888