Rozan khula jo raat ke kale makan ka
Manzar  tamam jaag utha  aasman ka

Mehmaa'n sara me'n raat ke soyee rahi thakan
Urhta raha parinda sahar ki azaan ka

Suraj, sitare, chand ke asrar khul gaye
Lekin khula na bhed  dile be zabaan ka

Pat jharh ki pattiyo'n pe hai tahrir waqt ki 
Likkha huaa hai haal gul-o-gulsitaa'n ka

Hijrat ki kashtiyo'n pe mai'n ek umr se sawaar
Ehsa'n kabhi uthaya nahi'n baadbaan ka 

Muddat se kheema zan hai deyare hayaat mei'n 
"Shahee'n" azabe mausame na mehraba'n ka

A-259, Shahdman Towm, Sector-14/B,
North Karachi-75680