غزل

ہے مسافر پئے سفر بے تاب

ور جدائی کے غم میں گھر بے تاب

ابھی اٹھتا ہے پردۂ رخِ یار

دید کو ہے نظر نظر بے تاب

ہائے کیا چیز ہے محبت بھی

ہم اِدھر اور وہ اُدھر بے تاب

رشک، سیماب کو بھی آتا ہے

دل ہے الفت میں اسِقدر بیتاب

کس قدر مجھ پہ مہرباں ہے وہ

خوش ہُوا مجھ کو دیکھ کر بے تاب

آج لوٹے نہیں پرندے کیوں

شام کے وقت ہے شجر بے تاب

آشیانہ ابھی بنا ہی نہیں

پھونک دینے کو ہے شرر بے تاب

پُرسکوں ہے ہنروروں کا گرو

 داد لینے کو بے ہنر، بے تاب

جستجو کس کی ہے کہ لوگ فصیحؔ

پھر رہے ہیں اِدھر اُدھر بے تاب

*******