|
* Jo bhed asl tha, wo toh kabhi khulaa hi nahii'n *
Jo bhed asl tha, wo toh kabhi khulaa hi nahii'n,
Mai'n jis-ka aks hoo'n, wo mera aainaa hi nahii'n.
Udaas baitha hai aainaa bechne waala,
Ke iss mahal mei'n koee khud ko jaantaa hi nahii'n.
Hum apni dastakei'n mahfooz rakh-ke kya karte ?
Kisi makaan mei'n darwaaza koi thaa hi nahii'n.
Bhatakti-phirti hai'n yaado'n ki kashtiyaa'n kya-kya !!
Ajab hai dil ka samundar, ke raasta hi nahii'n.
Na koee dor, na bandhan, na raasta, na ghubaar ,
Yehi, ke uss-ke mere beech faasla hi nahii'n.
|
|