|
* Kin parindo'n ka bayaa'n April hai *
Kin parindo'n ka bayaa'n April hai ?
Har shajar per mezbaa'n April hai.
Baarisho'n ko titliyo'n kaa intezaar,
Titliyo'n ke darmiyaa'n April hai.
Shaam ko chhatt per chahaktaa hai bahut,
Dopahar mei'n raaegaa'n April hai.
Loo:samundar, habbs kashti ki tarah,
Aur iss-ka baadbaa'n April hai.
Phir hawaa uss chhatt ki jaanib murh gayee,
Phir kisi-per mehrabaa'n April hai.
|
|