Niind se aa.Nkh khulii hai abhii dekhaa kyaa hai, 
dekh lenaa abhii kuchh der me.n duniyaa kyaa hai, 

baa.Ndh kar rakhaa hai kisii soch ne ghar se ham ko, 
varnaa dar-o-diivaar se rishtaa kyaa hai, 

ret kii ii.NT kii patthar kii ho yaa miTTii kii 
kisii diivaar ke saaye kaa bharosaa kyaa hai 

apanii daanisht me.n samjhe ko_ii duniyaa 'Shahid', 
varnaa haatho.n me.n lakiiro.n ke ilaavaa kyaa hai.