* Mai.n na hindu na musalamaa.N mujhe jiine do *
Mai.n na hindu na musalamaa.N mujhe jiine do,
dostii hai meraa imaa.N mujhe jiine do ,
ko_ii ehasaa.N na karo mujh pe to ahasaa.N hogaa,
sirf itanaa karo ehasaa.N mujhe jiine do
sab ke dukh dard ko apanaa samajh kar jiinaa
bas yahii hai meraa aramaa.N mujhe jiine do
log hote hai.n jo hairaa.N mere jiine se
log hote rahe.n hairaa.N mujhe jiine do.
|