* Tawaqqo se sawa ayyar nikli *
Tawaqqo se sawa ayyar nikli
Yeh dunia ba'ase aazaar nikli
Unhi'n me'n ghir gayee hoo'n phir se aksar
Mai'n jin haalaat se har baar nikli
Zeyaa'n mera tha unke fayado'n me'n
Mohabbat bhi to kaaro baar nikli
Taaqub kar rahi hai yaad uski
Mai'n us ki qaid se bekar nikli
Sunana chahta thaa jo woh mujh ko
Woh sab milni ko mai'n tayyar nikli
Usi rukh par bahe sab jaarahe hai'n
Koyee basti samandar paar nikli
308-J, Roofi lake Drive, Block-18, Gulistan-e-jauhar
Karachi (Pakistan)
|