غزل

درد کے سارے گھروندے کبھی ڈھانے آتا
وہ سمندر ہے تو پھر پیاس بجھانے آتا

وہ مرے سر پہ کبھی چھت کی طرح چھا نہ سکا
میرے اطراف فصیلیں ہی اٹھانے آتا

میری آنکھوں میں بہت دور تلک ریت سہی
اپنی کشتی ہی کناروں پہ جلانے آتا

میں ہوں اب تک وہی بے شکل ملائم مٹی
وہ کبھی چاک پہ مجھ کو تو سجانے آتا

اس کی مصروفیتں غیر کو منسوب رہیں
چھٹیاں اپنی مرے ساتھ بِتانے آتا

اب تو آنکھوں میں نمی دیکھے زمانہ بیتا
ریت آئی کہ دھواں ، کوئی رلانے آتا

میں نے کب چاہا الگ اُس سے ہو تشکیل مری
میں کہ قطرہ تھی مجھے بحر بنانے آتا

 ڈاکٹر) شہناز نبی )

Aqbal Chair &
Head Dept. of Urdu
Culcutta University
Mob: 9831115579
shahnaz_nabi@hotmail.com
بہ شکریہ جانِ غزل مرتب مشتاق دربھنگوی
+++