aik hum hain ke jaa'n say kehtay hain....
sub muhabbat zuba'n say kehtay hain....
dil nay hum say kaha, idher dekho...
dard waalay yaha'n say kehtay hain...
kehnay sun'nay say kuch nahi hota...
roz hum aasma'n say kehtay hain..
kis ki maanu'n, ke sub yaqe'n waalay...
apnay apnay gumaa'n say kehtay...
jo unhain raah zun say kehna tha...
murr ke wo kaarwa'n say kehtay hain...
jis ko sun'na tha wo to chorr gya...
ab ya qissa jaha'n say kehtay hain...
haal e bay mehriy e falak nayyar...
hum bhi kis mehrabaan say kehtay hain
***************