* مٹا دے اے غمِ ہستی سراغ میرا بھی *
مٹا دے اے غمِ ہستی سراغ میرا بھی
کہ رہ نہ پائے لبِ دم چراغ میرا بھی
جو کن کہوں تو میں ہستی کے دام سے نکلوں
بلندیوں میں بکھر جائے داغ میرا بھی
میں کس طرح سے کہوں بادلوں سے پیاس اپنی
سمندروں میں دھرا ہے ایاغ میرا بھی
کوئی بتائے پتا میرے گھر کے آنگن کا
خزاں کی راہ میں پڑتا ہے باغ میرا بھی
تمام دن میں بھٹکتی ہوں خالی کمروں میں
کہیں سے لائے سندیسہ یہ زاغ میرا بھی
*****
|