|
* Manind e saba jidher gaye hum *
Manind e saba jidher gaye hum,
kaliyon ko nihaal kar gaye hum,
zanjeer ba paa agar gaye hum,
naghmon ki tarha bikhar gaye hum,
soraj ki kiran they janey kya they,
zulmat main uter uter gaye hum,
jab bhi koi sang e raah dekha,
tofaan ki tarha biphar gaye hum,
chalna tha jahan muhaal yaaron,
us rah sey bhi guzar gaye hum,
ban jaingi manzilain wahin per,
bholey sey jahan teher gaye hum,
hans hans ke galey miley qaza sey,
takmeel e hayat kar gaye hum . |
|