Har aik baat hai minnat kash e zubaan logon
nahin hai koi bhi apna mizaaj daan logon

kuch is tarha woh haqaiq ko sun k chonk uthey
bikhar gain sar e mehfil paheliyan logon

mery labon sey koi baat bhi nahi nikli
magar tarash leen tum nay kahaniyan logon

bahaar e no bhi inhain phir saja nahi sakti
bikhar gai hain jo pholon ki pattiyan logon

bara zamana howa aashiyaan ko raakh hoye
magar nigah hay ab tak duwaan duwaan logon

khata maaf k maye sey Shakeb munkir hai
isey aziz hain duniya ki talkhiyan logon