يہ جھاڑياں، يہ خار، کہاں آ گيا ہوں ميں 
اے حکم _ شہريار، کہاں آگيا ہوں ميں 

ہر عندليب مرگ _ تبسم پہ نوحہ خواں 
ہر پھول سوگوار، کہاں آ گيا ہوں ميں 

کيا واقعی نہيں ہے یہ موسيقيوں کا شہر ؟ 
کيوں چپ ہيں نغمہ کار، کہاں آ گيا ہوں ميں 

پھولوں کی سرزميں ہے نہ خوشبو کی رہ گزر 
اے حسرت _ بہار ، کہاں آ گيا ہوں ميں 

جا تو رہا تھا چشمہء آب _ حيات پر 
یہ دھول،یہ غبار، کہاں آ گيا ہوں ميں 

رہ زن مجھی سے پوچھ رہے ہیں مرا پتہ 
اے حسن _ اعتبار کہاں آ گيا ہوں ميں 
********************