|
* Kyuu.N hame.n maut ke paiGhaam diye jaate hai.n, *
Kyuu.N hame.n maut ke paiGhaam diye jaate hai.n,
ye sazaa kam hai ke jiye jaate hai.n,
[paiGhaam = message; sazaa = punishment]
nashaa dono.n me.n hai saaqii mujhe Gham de yaa sharaab,
mai bhii pii jaatii hai aa.Nsuu bhii piye jaate hai.n,
[mai = wine]
ek tuu hai ke hamaarii nahii.n tujh ko parvaa,
ek ham hai.n ke teraa naam liye jaate hai.n,
zindagii apanii kashaakash me.n guzaratii hai "Shamim",
jii nahii.n chaahataa jiine ko jiye jaate hai.n.
|
|