Zamii.n pe fasl-e-gul aa_ii falak par maahataab aayaa,
sabhii aaye magar ko_ii na shaayaan-e-shabaab aayaa,
[fasl-e-gul=spring season; falak=sky; maahataab=moon]
[shaayaan=befitting; shabaab=youth]
meraa Khat pa.Dh ke bole naamaabar se jaa Khudaa_haafiz,
javaab aayaa merii qismat se lekin laajavaab aayaa,
[ naamaabar=messenger/letter carrier]
[Khudaa_haafiz=goodbye; laajavaab=matchless]
ujaale garmii-e-raftaar kaa hii saath dete hai.n
baseraa thaa jahaa.N apanaa vahii.n tak aaftaab aayaa
[garmii-e-raftaar=fast motion; baseraa=abode; aaftaab=Sun]
"Shakeel" apane mazaaq-e-diid kii takamiil kyaa hotii,
idhar nazaro.n ne himmat kii udhar ruKh par naqaab aayaa.
[mazaaq=good taste; diid=seeing]
[takamiil=completion; ruKh=face; naqaab=veil]