CHARAGHAA'N DIL MEI'N HOTA HAI NAZAR MEI'N PHOOL KHILTEY HAI'N,
KHAYAALE WASL SE DIL KE NAGAR MEI'N PHOOL KHILTEY HAI'N,
SITARO'N NE KAHA SHAB BHAR YO'N TANHA DEKH KAR HAMKO,
SHABE HIJRAA'N YO'N GUZRE TO SAHAR MEI'N PHOOL KHILTEY HAI'N,
MAHAK TERI WAFAYO'N KI HAMAARE SAATH CHALTI HAI,
AGAR TUM HAM SAFAR HO TO SAFAR MEI'N PHOOL KHILTEY HAI'N,
GHAME DAURAA'N SE GHABRA KAR TERE PAHLOO MEI'N AA BAITHEY,
TERI SAANSO'N KI KHUSHBOO SE NAZAR MEI'N PHOOL KHILTEY HAI'N,
TUMHARE MUSKURAANE SE BADAL JAATE HAI'N MANZAR BHI,
HAWAAE'N JHOOMTI HAI'N HAR DAGAR MEI'N PHOOL KHILTEY HAI'N,
UTHAAYE HAATH TO ABRE BAHAARA'N JHOOM KER AAYA,
HAMAARI HI DUATO'N KE ASAR MEI'N PHOOL KHILTEY HAI'N,
JALA KE "SHAMA" HAMNE ZULMATO'N KO YEH BATAAYA HAI,
LAHU DIL KA JALA HAI TO DAHAR MEI'N PHOOL KHILTEY HAI'N.