غزل

مری انا کسی سلطاں کے روبرو نہ گئی
نہ جھکنے کی کبھی فطرت سے میری خو نہ گئی
مکینِ دل کے بچھڑنے ہی کا اثر ہے یہ
ابھی تلک مری آنکھوں سے آب جو نہ گئی
نقوش مٹ گئے سب ہی دماغ سے لیکن
ترا خیال ، تری یاد اور تو نہ گئی
ہر ایک چیز جہاں کی بدل گئی لیکن
صنم کی باتوں سے مہر و وفا کی بو نہ گئی
نظر بھی ، دل بھی ، نگاہیں بھی تھک گئیں لیکن
حصولیابیٔ جاناں کی جستجو نہ گئی
دلِ بشر بھی عجب شے ہے اے جہاں والو!
ہزاروں خواہشیں بر آئیں ، آرزو نہ گئی
جھکایا سر نہیں گردن بہ شوق کٹوائی
کہ جاں گئی تو گئی شمس آبروؔ نہ گئی

شمس افتخاری

64, P.M.Busti 3rd bylane, Shibpur
Howrah-711102
Mob: 9836111760
بشکریہ ’’میر بھی ہم بھی‘‘	مرتب: مشتاق دربھنگوی
………………………