* Jo raah me'n chuni hai woh itni sooni hai *
Jo raah me'n chuni hai woh itni sooni hai
Ke un ki yaad na aaye to bad shaguni hai
Woh sab se milta hai us se koii nahi'n milta
Ke aadmi hai wo mukhlis magar januni hai
Thahar ke rah gaya yeh sach bhi meri aa'nkho'n me'n
Ke mere shahar ka musannif bhi mera khuni hai
Bigarh chuka hai tawazun ma'ash ka lekin
Har ek jins yaha'n qeemato'n me'n dooni hai
Agarche roz naye qafile nikalte hai'n
Rahe deyare hunar phir bhi sooni sooni hai
Milo jo "Shan" kisi se to muskurake milo
Khule kisi pe na jo karb androoni hai
Editor "Rang" Qaurterly, Sijua, Dhanbad-828121 (Jharkhand)
|